ناس كتير بتستغرب ان اسم البلد بالعربي مصر والانجليزي مختلف تماما.
طب ليه؟
ناس بتفتكر إن واحده ترجمتها التانية، لكن الإجابة لا
كلمة Egypt مش ترجمة لكلمة مصر، لكن كل اسم ليه أصل وتاريخ مختلف.
طب ايه اصل كلمة Egypt؟
من الاف السنين، كان فيه اسم مصري قديم هو ḥwt-ka-ptah (بيتنطق تقريبا: هوت كا بتاح)، ومعناه:
"بيت روح الإله بتاح"
وده كان اسم معبد كبير في مدينة منف (ممفيس)، اللي كانت عاصمة مصر القديمة.
لما بقا اليونانيين وصلوا مصر، سمعوا الاسم ده، بس نطقوه بطريقتهم، فتحول ل Aigyptos (Αἴγυπτος).
بعد كده بقا الرومان اخدوا الاسم من اليونانيين وخلوه Aegyptus، ومع السنين بقا وتطور الإنجليزي، بقى Egypt.
طب ليه بقا احنا بنقول “مصر”؟
اسم "مصر" موجود في لغات قديمة جدا سبقت العربي الفصحى بقرون كمان، وفضلوا يستخدموه في العربي لغاية دلوقتي.
وكلمة "مصر" عموما ليها جذور من اللغات السامية.
(اللغات السامية دي ببساطة كده عيلة لغات بينتمي ليها العربي والعبري والآرامي وغيرهم، وده معناه إن اسم "مصر" أقدم من العربي نفسه اللي هو الفصحي يعني)
وعشان كده هنلاقي اسماء قريبة من مصر في لغات سامية تانية، زي ايه؟
Mitzrayim في العبرية.
Muṣur أو Miṣir في الأكادي والآشوري.
وكلمة مصر طبعا جت في القرآن الكريم، زي قوله تعالى:
﴿ادخلوا مصر إن شاء الله آمنين﴾
وده بيوضح إن الاسم كان معروف ومستعمل من زمان اوي.
طب ليه بقى في اسمين؟
لإن كل شعب عرف مصر بطريقة مختلفة.
الشعوب القديمة ومنهم العرب بقا فضلوا بالاسم القديم اللي هو مصر.
اما شعوب تانيه زي الأوروبيين، فضلوا يستخدموا egypt أو ايا كان بتتقال عندهم ازاي
.
في كذا دولة ليها اسم محلي واسم الشعوب التانية اخترعته
زي اليابان الاسم المحلي بتاعها Nihon / Nippon
الاسم الغربي japan جاي من نطق صيني قديم ووصل لأوروبا من التجار🙌🏻
ألمانيا الاسم المحليDeutschland
الإنجليزي Germany
الفرنسي Allemagne
اليونان بق
الاسم المحلي Hellas
الغربي Greece جاي من اسم قبيلة صغيرة مش الاسم الاصلي عامة
في بردو دول تانية زي الصين وفنلندا والمجر واثيوبيا 🌹
يخرب بيتهم الاغريق مابقى شي ما سموه بنفسهم